教養之道
【兒童理財】從桌上遊戲 學懂求學求知態度

1

每次敎小朋友理財,最令佢哋雀躍萬分嘅一定就係玩理財桌上遊戲。佢哋每一次見到副桌上遊戲嘅時候,都會立刻上前睇吓棋盤,搵出邊度喺開始嘅方格,擲骰決定先後次序,跟住就即刻開始遊戲。而我刻意唔主動講太多遊戲規則同勝出目標,大部份嘅小朋友都係行動派,問都冇問就即刻按遊戲盤上嘅指示開始遊戲,玩咗10至15分鐘之後,先至有啲小朋友會問我,個遊戲玩幾耐㗎?點樣先為之勝出?當然亦都有一少部份比較醒目嘅學生,未開始遊戲之前就會先舉手問清楚遊戲勝出嘅方法,係鬥多分?定係鬥快完成棋盤上所有方格?呢一類嘅小朋友小編最為欣賞,因為佢哋喺玩遊戲之前,就已經清楚知道遊戲嘅規則,同埋自己嘅目標。

作為家長又有冇覺得呢啲野似曾相識?大家又有冇試過喺唔清楚自己所投資嘅產品(甚至股票)嘅情況下,就已經盲舂舂咁入市,玩到一半先知道原來遊戲嘅玩法同自己心目中嘅諗法唔同呢?玩遊戲嘅時候冇問清楚係無傷大雅,唔需要太過認真,但呢一種求學問嘅態度,如果一旦變成日後嘅習慣,就可能會喺一知半解嘅情況之下作出好多錯誤嘅人生決定,當然亦都包括理財嗰方面啦!

利益申報:FinKAB並非提供任何投資、稅務建議,讀者應該自行搵相關專業人士提供獨立建議。
————————————————————————————————————–
兩位八十後眼見各種零售消費金融科技充斥市面的同時,兒童理財教育發展雖不至於原地踏步,但卻滯後於外國。
二人投身於金融服務界多年,其中一人更為金融風險管理師,閒時身體力行,利用工餘時間參與兒童理財教育義務工作。
二人深信學習理財是雙向的,走在前線與小孩接觸,分享理財知識之餘,亦直接了解現今小孩的想法和價值觀。
成立FinKAB分享平台的使命,旨在向父母分享教導兒童理財的心得,希望父母回家後放下手機,把理財變成與小孩溝通的餐桌話題。
“Let Financial Literacy be your dining table topic with your kids!”
https://www.facebook.com/FinKAB/

📣相關閱讀
▸ 電視洗腦廣告 對小孩影響不容忽視 http://bit.ly/2OSxI8q
▸ 幾歲要開始畀零用錢?畀幾多?點樣畀?http://bit.ly/2MqbXjM
▸ 畀零用錢切記要真金白銀 約法三章 http://bit.ly/2MsG1eA

 

 
想知更多育兒資訊 請留意Easy Pama

 

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest