教養之道
多點關注和溝通 何嘉莉(下):和仔女每天分享是一種習慣!

何嘉莉自認在孩子和另一半心目中都是一位嚴母,家裏規矩多多,對孩子的要求也不少:早睡早起、注重衛生、禮貌待人,還有特別日子甚至放長假才能看卡通打遊戲機,空餘的時間寧願用來兩母子說說心事、或讓孩子發揮一下自己的想像力:「我希望同仔女做朋友,每日仔仔放學都會問佢今日學校發生乜事呢?有冇開心嘢……希望佢可以從小培養起呢個習慣,乜都會同媽媽分享。呢種信任同親密,唔通等到青春期見到佢越行越遠至走嚟急咩?」

image1

image2

溝通從小開始 別等到來不及!
老生常談,又是時候討論生男和生女,到底是不是教養方法大不同?何嘉莉則說,家規一樣、大方向也一樣,更不會像別人說的把女兒當成公主一樣侍奉,最怕將來調教出公主病港女:「依家呢個社會,女仔都應該要獨立自主,千祈唔可以覺得人哋老奉就要遷就,我又唔會太矜貴咁教養妹妹Zoe。至於哥哥,男仔就應該要man、要勇敢、要夠tough,能屈能伸同埋要知足才會常樂。到底點樣灌輸到呢一套俾佢,我諗呢個階段就係不停講、不停教,希望佢可以慢慢入腦。我好注重同哥哥嘅溝通,除咗希望從小同佢建立呢層信任同親密以外,我都好堅持一樣嘢,一定唔可以講大話。我想佢知道,無論佢啱定係錯,媽咪都會同佢同一陣線、陪佢一齊經歷,重點係,發生乜事都好,一定要俾媽咪知道,唔可以呃我。」

image3

image4

image5
入讀國際學校 等於一勞永逸?
兒子Jean小時候,何嘉莉也像別的媽媽一樣,陪讀故事書、陪認字卡和顏色,生怕孩子的進度會比別人慢,不過到了適齡升小學,也開始睇通睇透,還是國際學校活動教學更適合孩子和自己:「你當我懶啦,香港教育制度我最清楚,要死記硬背一大堆、將來又未必用得著,我真係唔想佢讀書,我又陪佢經歷多一次、自己都要讀埋一份。不過話雖如此,媽媽都冇得偷懶,陪佢講故事、培養閱讀興趣是必須的,見到佢專注力不足坐唔定,就嚟六歲時我都幫佢報咗數學同鋼琴,想佢學一門樂器亦都希望佢由此培養專注度。仲有一樣嘢,小朋友都要識玩,學識發揮自己想像,喺我屋企唔可以叫悶,我哋細個連一盒顏色筆都要求媽咪好耐至可以擁有,佢哋親戚朋友送、開一次生日會,屋企玩具堆到拆幾年都拆唔完……物質再豐富都好,我想呢個仔識得珍惜、識得付出同通過自己表現去爭取獎勵,得到自己想要嘅嘢!」

 

image6

image7

 

 

📣相關閱讀
▸【星Easy】何嘉莉(上):我都曾經係緊張大師!http://bit.ly/2P1vFz7
▸【星Easy】區永權(上):我辛苦好過全家辛苦!http://bit.ly/2KQGvoV
▸【星Easy】區永權(下):爸爸要求好簡單!http://bit.ly/2vNEipQ

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest