教養之道
【兒童理財】電視洗腦廣告 對小孩影響不容忽視

1

雖則話而家睇電視嘅人越來越少,但真係唔好睇少電視廣告對小朋友嘅威力。早前同小朋友分享有關商業貸款嘅概念,學生二話不說已經可以隨口噏到幾間借貸公司,留意番唔係講緊銀行喎,而係可以清楚講得出嗰啲物業信貸公司同埋財務公司嘅名,仲話到畀我哋聽有啲信貸公司可以接受No Show貸款,佢哋仲知道向信貸公司借錢真係只需要身分證或電話號碼就已經可以,完全唔使露面。

無可否認,信貸公司嘅市場推廣確實係幾有效,有效到連小四嘅學生都識得佢哋。小編唔係話要否定呢啲信貸公司嘅存在價值,的而且確可能幫到好多生意上需要錢周轉嘅人,但係諗深一層,你又有冇諗過咁細嘅小朋友其實知唔知向信貸公司借錢嘅代價,同埋向銀行借貸嘅分別呢?呢啲廣告經常灌輸一啲借貸消費丶為咗實現自己去旅行或者創業嘅理想而借貸,你又係咪真係唔知道你個小朋友清楚借貸背後嘅代價係乜呢?實現當前嘅理想緊要,定係了解借貸嘅意義同代價緊要?

利益申報:FinKAB並非提供任何投資、稅務建議,讀者應該自行搵相關專業人士提供獨立建議。


兩位八十後眼見各種零售消費金融科技充斥市面的同時,兒童理財教育發展雖不至於原地踏步,但卻滯後於外國。
二人投身於金融服務界多年,其中一人更為金融風險管理師,閒時身體力行,利用工餘時間參與兒童理財教育義務工作。
二人深信學習理財是雙向的,走在前線與小孩接觸,分享理財知識之餘,亦直接了解現今小孩的想法和價值觀。
成立FinKAB分享平台的使命,旨在向父母分享教導兒童理財的心得,希望父母回家後放下手機,把理財變成與小孩溝通的餐桌話題。
“Let Financial Literacy be your dining table topic with your kids!”
https://www.facebook.com/FinKAB/

 

📣相關閱讀
▸ 幾歲要開始畀零用錢?畀幾多?點樣畀? http://bit.ly/2MqbXjM
▸ 畀零用錢切記要真金白銀 約法三章 http://bit.ly/2MsG1eA
▸ 零用錢Q&A 點教小朋友儲錢使錢?(一) http://bit.ly/2Mly3j0
▸ 零用錢Q&A 點教小朋友儲錢使錢?(二) http://bit.ly/2MwWPwJ

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest