教養之道
黃致豪(下):我父母嗰套需要改良!

今時今日小朋友能說能講兩文三語是必須的,Paige和Tritan天生又多了個優勢,有爸爸親自教講法文。從Paige出世起,黃致豪堅持跟女兒用法文對話,不過孩子學得快,忘得更快,一歲半時太太要抓緊訓練女兒中英文、準備面試幼稚園,於是叫停黃致豪的法文課程,僅僅半年,Paige已經忘記得乾乾淨淨:「既然佢哋係香港長大,融入呢度制度、學好中英文先都好應該。我都係四歲去法國啫,咪又係好快學識法文?小朋友學嘢好快,我又一啲都唔擔心!」

image1

image2

image3

對兒女寄望:成功其實很簡單!
我們那一代,都是天生天養、被父母打打罵罵長大的。黃致豪說感激父母的嚴格才能成就今天的自己,但是時代不同,他希望沿用父母的那一套,但也要學會變通:「細個住法國,邊有工人姐姐幫手?我同細佬細細個就自己執床鋪、自己入廚房整嘢食,所以我至咁鍾意做廚,開埋法國餐廳啫嘛!有時我都會躁、細路一做錯嘢就大聲鬧,太太都會提醒我,慢慢講慢慢教,小朋友學習需要時間同空間。當然變通得嚟,有啲宗旨永遠唔會變,我希望佢哋同我一樣有家庭觀念、凡事肯嘗試,唔好怕輸。我覺得成功好簡單:尊重人尊重自己、做事認真、做人誠實,同埋唔好害人。可以做到呢幾點,已經可以行得好遠!」

image4

image5

 

image6
對自己要求:識玩識蒲帶得出門!
女兒Paige即將升K2,兒子Tritan則剛好在訪問這一天入學讀N班,有關教育和興趣,黃致豪說,父母是個重要的角色,要引導孩子找到喜好、發揮所長:「Paige性格斯文怕醜,我同太太覺得應該畀佢讀傳統學校;細佬就好活潑又外向,老師都話佢讀國際學校應該更適合。我做緊嘅嘢之所以咁投入,都係因為演戲同煮食都係愛好,寓工作於娛樂,所以佢哋平時做乜學乜,我同太太都會認真聆聽,想佢哋可以做自己鍾意嘅嘢。仔女大得好快,有時見到個女識得關心我、留意我,嘩,開始可以同個女溝通,真係冧到呢……我希望同仔女做朋友,第時等佢哋大個,都繼續做個有型、心境後生的爸爸,最好第時同男朋友拍拖,帶埋我一齊睇戲;同朋友開P,又叫埋我一齊去開,然後向朋友介紹:『嗱,呢個我哥哥呀!』咁就好喇!」

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest