教養之道
【親子理財】畀零用錢切記要真金白銀 約法三章

上次講到零用錢應該幾時開始畀、畀幾多,今次就同大家講下應該用乜方式畀,家長不妨參考一下:

1. 要定時定額
大人返工出糧都要定時定額啦,小朋友零用錢都一樣,等佢哋知道即使慾望、想要嘅玩具有好多,但係事實係自己嘅資源係有限嘅,唔可以話想要乜就買乜,要學會等待,諗辦法多賺零用錢,或者作出理性嘅消費選擇。

2.「真金白銀」最實在
小編不太建議用電子貨幣(如八達通)增值形式俾零用錢,因為付錢時冇接觸實體錢,冇乜肉痛嘅感覺,較難記得自己用咗幾多錢。

3. 約法三章:學習記帳、做預算
俾零用錢都要約法三章,規定小朋友要學習記帳、定下目標,每領取零用錢後預算部分做儲蓄、消費等,並記低每個消費項目。但不建議家長過分控制每項預算嘅比例,重點反而係要經常同佢跟進儲蓄嘅進度,同埋要量入為出。

利益申報:FinKAB並非提供任何投資、稅務建議,讀者應該自行搵相關專業人士提供獨立建議。

PocketMoney_3


兩位八十後眼見各種零售消費金融科技充斥市面的同時,兒童理財教育發展雖不至於原地踏步,但卻滯後於外國。
二人投身於金融服務界多年,其中一人更為金融風險管理師,閒時身體力行,利用工餘時間參與兒童理財教育義務工作。
二人深信學習理財是雙向的,走在前線與小孩接觸,分享理財知識之餘,亦直接了解現今小孩的想法和價值觀。
成立FinKAB分享平台的使命,旨在向父母分享教導兒童理財的心得,希望父母回家後放下手機,把理財變成與小孩溝通的餐桌話題。
“Let Financial Literacy be your dining table topic with your kids!”
https://www.facebook.com/FinKAB/

其他文章:

【親子理財】幾歲要開始畀零用錢?畀幾多?點樣畀? https://bit.ly/2NCKtU5

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest