教養之道
Tom@Mr. X Leanne(下):仔仔會替人著想最窩心!

爸爸Tom性格平和就得人,媽媽Leanne是三個妺妹的大家姐,最會照顧人。耳濡目染下,杜杜從小就是個暖男,總是希望先滿足別人的所需,把自己的要求喜好則放在一邊。Tom和Leanne一邊很是欣慰杜杜的窩心舉動,一邊也不免擔心,孩子會不會忽略了自己又在團體裡被欺負:「同幼稚園老師溝通過,原來性格溫馴替人著想並唔代表佢軟弱。杜杜喺團體裏同唔同人都有一套相處方式,好似變色龍一樣,所以話父母唔使過份擔心,小朋友嘅適應能力好有趣,比我哋想像中靈活好多!」

image1

image2
有樣學樣「愛偷聽」 杜杜係個「順得人」
都說孩子是張白紙,爸爸媽媽就像一面鏡子,Leanne說,父母在家怎麼做、婆婆姨姨們平時怎麼相處,杜杜都看在眼裏:「為人父母與其用言語指點,不如身教,杜杜都話畀我聽,佢平時最鍾意『偷聽』大人講嘢,所以待人處事大人平時點做,直接影響小朋友行為。」Tom也說,杜杜學媽媽愛閱讀,從爸爸身上則學會遷就人:「前排我哋搬屋,應承買張新床畀佢,同佢一齊睇產品小冊子,我鍾意綠色,佢就話:『爸爸我最鍾意你鍾意嘅嘢!』我教佢,張床係自己瞓,最緊要自己鍾意,問咗成個星期,佢至肯認其實佢鍾意藍色多啲……做咗爸爸之後,人會變得更加多檢討自己,希望對小朋友有正面影響。除咗多啲問吓自己需要之外,我更希望改善自己係多啲自信,認為啱就要繼續堅持。因為呢個仔好崇拜爸爸,我都希望畀佢見到爸爸有信念同堅定一面!」

image3 image5 image6
「順得人」的另一面 心個有個「勇」字
就得人不代表軟弱,兩公婆就見識過兩年前才四歲多的杜杜為了小弟弟出頭,挑戰高足一個頭的大哥哥:「當時成班小朋友排隊玩商場遊戲,杜杜見到排前面個小朋友不停又推又打自己個細佬,竟然出聲阻止。個大哥哥高佢一個頭,揸緊拳頭好兇狠咁回頭,杜杜退後一步、吞一啖口水繼續企硬:『我唔怕你!你打我啦!打我我會報警!』」其實小小年紀的杜杜也可以很勇敢。開學就要升讀小學,Tom則表示學習要加強,但是分數不等於一切:「返學讀書學習除咗係書本上知識,更重要係一份責任感同與別人相處。對自己有要求、成績合格、交齊功課係一個學生應該要負起的責任,做好本份如果都係考第尾,係其他同學仔太叻啫,我希望杜杜唔好咁細個就同人鬥,做人要鬥,應該係同自己鬥!」

image7

image8


 

想知更多育兒資訊 請留意Easy Pama

 

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest