教養之道
陳琪(下):點解通識係一個科目?

11

轉校的原因,除了大家姐、二家姐希望有機會和弟弟Jayden一起讀書,也因為舊校功課繁重、壓力不小:「依家好多學校好興叫小朋友學高幾級的知識,係唔係需要呢?現代人均壽命長過以前廿幾三十年,點解反而要逼小朋友在三年內學識以前六年讀嘅書?乜通識唔係通過生活學識常識咩?點解變咗一個科目?又要小朋友考多次試、承受多份壓力!我覺得童年就係應該玩、教育就應該係平時生活日常啟發佢哋一齊學習。我最鍾意每日同佢哋睇電視新聞,呢期就會問小朋友如果教練叫你哋去山窿探險會唔會去呢?如果雷暴警告朋友約你去行山,上咗山又應該點自救呢?」

9

唔識唱歌認字係咪有罪?
細佬Jayden剛滿20個月大,平時在家都係玩、玩、玩,陳琪說完全沒有心急過要讓Jayden報甚麼學前班、排定隊入幼稚園,因為童年就該用來玩樂:「老公胡仔成日話我對大家姐偏心,買嘢成日都係諗到大家姐先……我唔覺,但係唔排除呢個可能性,因為生佢時真係乜都唔識、真係樣樣都緊張好多,建立嘅感情又真係唔同其他兩個。我想同其他媽媽講句,生多幾個啦!生多幾個就自然唔會過度緊張!睇住三個細路大,講真我最大體會係,好多嘢今日唔識聽日會識,真係無必要逼啲細路。人哋20個月可能已經識唱兒歌、識讀字卡,Jayden未唱歌、唔識用英文指住頭、口講「head」同「mouth」又如何?係唔係有罪先?與其逼佢認字讀書,我寧願睇住佢同個家姐玩,學到仲多嘢!」

8

10

標籤別人不如堅持自己
尊重師長、學做家務、開火煮食,還有自己的東西自己收拾,這些習慣陳琪從小培養三個兒女,不是因為怕被別人說是港媽養成港孩,而是因為好習慣好品德就該從小培養:「我好反對人哋講乜怪獸家長、講乜港媽港孩,點解要標籤人哋?批判人哋呢?講真你永遠唔會知人哋背後故事同背後原因,就不如唔好指手劃腳。我做呢一套,係因為我覺得識自理、有禮貌係基本,呢樣嘢我好鍾意奶奶成日掛喺嘴邊嗰幾句。佢話做人有一技之能,無論跑步叻、游水叻、打波叻都好,有一技之能,勤力肯做,一定可以搵到食,個社會唔會餓死你。做人冇嘢緊要得過心地好,你信我啦,人好、心好,好事就自然會跟住嚟!」

12

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest