教養之道
陳琪(上):生多幾個自然變佛系!

凡事計劃周全、按步就班固然最好,不過人生就是充滿意外,有時候也該學會欣然接受。44歲的陳琪於2009年和胡諾言結婚,婚後三年抱倆、如願以償!本來以為有了大女Jay Jay(胡芷苓)和細女Jacey(胡芷悠)樂也融融夠晒數,誰知道兩年前細仔Jayden(胡澔錕)來報到。曾幾何時也做過新手媽媽、也曾經是緊張大師,被這個甜蜜意外打亂陣腳才發現,緣份到了,原來自己也可以很佛系!

4

5

世界就該讓兒女自己探索
從兩女之母、到家有三個,問陳琪這幾年做全職媽媽最大的感受是甚麼?陳琪苦笑:「一個字,嘈!屋企由朝到晚都好嘈,小朋友最叻真係製造聲量,同細路鬥嘈,大人一定輸!當然,睇住佢哋慢慢長大、性格開始形成,亦都好有趣。Jay Jay同我一樣係大家姐,天生剛強又自律,讀書好主動;細佬Jayden就有樣學樣,唔使返playgroup,好多嘢跟住兩個家姐學到十足。Jaycey最貪靚,自己襯衫、自己揀飾物,一見香港小姐選舉,就會面紅,覺得呢個就係佢嘅將來,話第時要選港姐喎!雖然我同胡仔係呢個行業出身,但都唔會阻撓佢。小朋友的未來、娛樂圈到底係點,應該交畀佢自己探索。講真邊個行業冇是非?做乜工唔需要努力?人哋話娛樂圈係大染缸,我咪一樣識到個好老公?生活好幸福?」

2

3

6

 

性格好條路自然暢通無阻
Jay Jay暑假過後升讀小四,Jacey則今年剛剛幼稚園畢業,都在讀名校德望,陳琪也以為兩個女未來會在女校一條龍一直讀到畢業,結果細佬Jayden出世,逼住要轉plan:「兩個家姐都好錫細佬,話想同佢讀一間學校喎,所以嚟緊開學我都幫Jay Jay轉去男女校蔡繼有,第時有機會同細佬一齊返學、考IB亦都輕鬆得多。好多朋友話羨慕我、點解個女咁叻可以考到名校……講真,我冇train過佢哋乜嘢、Jay Jay考入學試時都有字唔識,呢啲緣份嚟嘅!唔好逼個小朋友啦,相信佢哋能力,你肯放手,其實好多嘢佢哋自己識得應付。我覺得面試叻、入到間好學校真係唔代表乜嘢,佢哋某個階段、某一刻發揮好,係唔係代表一世都可以用呢套呢?都係呢句,讀書好唔夠性格好影響一生!」

1

預告:果然是佛系媽媽,別家的孩子幾個月就開始聽英文、讀字咭,陳琪卻說二十個月大的Jayden未識唱兒歌、不會用英文說head、mouth和shoulder:「童年就係應該攞嚟玩,唔識係唔係有罪先?」

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest