教養之道
張達倫(上集):教女不用太「嚴謹」!

緣份就是這樣,曾經青梅竹馬,卻各行各路,你有你的生活,我有我的忙碌。二十年後,張達倫和中學同學Kimmy再遇上並且修成正果,兩年前結婚、去年10月兒子張凱碩也來報到。其實除了親力親為照顧親生兒子碩碩(勁秋雞),暖男嚴謹對太太與前夫所生的大女兒Chloe也視為己出,也有一套相處方式:「由第一日開始,我就當咗佢係自己個女,亦都希望佢知道我都係佢爸爸。佢今年十三歲,大個女又正值反叛期,反而唔使吓吓咁嚴謹,要用佢認為舒適嘅一套溝通、要喺信任中互相建立尊重!」

03

05

難忘為人父那一夜:臍帶一定要自己剪!
那一夜兒子碩碩出世,40歲的張達倫說,一世難忘:「我好記得,老婆係凌晨五點穿羊水,我嗱嗱聲同佢攞好走佬袋去醫院,點知醫生同我哋講未咁快,叫我哋食吓嘢先、週圍行吓喎……終於等咗十幾個鐘,係時候喇,嗰幾個鐘我喺醫院走廊踱嚟踱去、仲緊張過我老婆:『就嚟見到個仔喎、唔知佢係點呢?唔知做老竇係點呢?跟住陪老婆打止痛針啦、剪臍帶啦、第一眼見到佢個感覺,咪就係『喂!個仔咁老積嘅?』喺度奉勸各位爸爸,一世人一次,臍帶一定要親手剪!眨吓眼啫!個仔已經識企、識扭計,我已經picture緊個畫面,要帶佢一齊踢波、要教佢游水!」

06

07

08

09

視13歲繼女為己出:要尊重孩子的想法!
孩子未出世,張達倫已經睇定育兒書、做定功課,集各家之大成決心養成一個快樂健康又堅強嘅勁秋雞,至於13歲、剛步入反叛期的長女Chloe,則又是另一種相處教育方式:「佢大個女,底子係好唔好、乖唔乖,我哋心中有數。知道佢係乖女嚟嘅,就唔應該太刻意、太強硬,要用佢認為舒適自然嘅方式,從旁協助同提點。我哋嘅關係由同老婆拍拖時已經開始建立,食飯去街都一齊,尤其係帶埋佢去歐洲影婚紗相個trip,廿幾日一齊生活、一齊相處,關係更進一步。反叛期我哋大家都試過,我覺得越係呢啲時候,愈係要俾佢自由、尊重佢嘅選擇,要聽吓佢講咁做嘅原因係乜嘢……大家互相尊重、而佢明白父母係愛佢係關心佢,就一定唔會行得太遠!」

04

02

01

預告:勁秋雞才八個月人仔,張達倫話已經感受到香港教育制度的壓力,身邊朋友紛紛都帶仔女讀緊預備班、為幼稚園子學鋪緊路:「到底係BB幾個月人仔已經要學習,定係大人為咗制度焗佢去學呢?我覺得童年唔應該係咁過……」

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest