囡囡間小學,定期於周五舉行集會,集會表面功能在於表揚一下小朋友在各方面嘅「小成就」,例如寫字整齊咗啦,講嘢有自信咗啦這類令人會心微笑的事情,有得上台攞獎狀㗎;而真正功能,就係——交個場畀你負責。

每次集會,都由某一班別嘅同學仔做主持,以及構思表演內容(低年級當然有老師從旁協助啦),而燈光、音效、攝錄就由同年級哥哥姐姐負責。筆者80年代讀小學邊有咁新奇嘅活動,集會好神聖㗎嘛。早前終於輪到我囡囡一班「揸旗」,每個小朋友都有一樣任務在身,有啲做主持,有啲做頒獎,而囡囡則負責展示自己畫嘅圖畫。

重點表演環節,係唱歌,但並非用英文唱,亦非唱毛利文,而是用紐西蘭第三種官方語言——手語演繹!首歌叫做《We are Aotearoa》,Aotearoa係毛利文,解長白雲之鄉,即紐西蘭呢片土地也;近幾個月,學校課程教導小朋友認識紐西蘭的花鳥蟲鳥山水草木,學習究竟有啲乜嘢令紐西蘭好Special,國民教育啊。

1204

起立,唱國歌。國歌係由音樂老師即席用結他彈奏,好輕鬆、小清新。歌詞先唱毛利文,之後先唱英文。有興趣上去聽聽:https://youtu.be/-leXQKKrkgo

1201

囡囡同佢好朋友坐埋一齊。她倆會在校園捉蚯蚓,又會執花花葉葉浸水釀製魔法藥(Potion)。

1205

阿女同其他人負責展示動物圖畫,自己畫嘅。

1206

用紐西蘭手語演繹《We are Aotearoa》一曲,練咗好耐㗎。

想知更多育兒資訊,請留意Easy Pama


178
海外PaMa Siltone Li
人稱「棟爺」,兩女之父,香港傳媒業內打滾十多年,寒流襲紙媒之際,隨妻女移居地球天腳底紐西蘭,數綿羊渡日。
學校集會由你話事
想隨時獲得更多親子資訊,就快啲like我哋Facebook啦!⁠⁠⁠⁠

Post navigation