才32歲的演員蔣祖曼(Joman),原來已為人母育有一對兒女,哥哥Day仔今年十歳,囡囡可可兩歲大。22歲就做媽媽?其實是丈夫前妻患有癌症,去世的時候Day仔才剛滿歲半。Joman和現任丈夫剛開始拍拖,就要肩負起照顧Day仔的責任:「有時人哋問佢生得似邊個,個傻豬會話自己生得似我……我哋好親,不過當時自己都未長大,咩都唔識,咁多年都經歷過唔少辛酸。」

10991210_962282157129957_714472941361616857_n

視如己出 繼子令夫妻關係更緊密
回想第一次見Day仔,他才幾個月大,被媽媽抱着來工作現場探爸爸班,不久以後,Day仔媽媽的病情就愈來愈嚴重,所以不到一歲,Day仔就開始跟Joman一起住:「嗰年我都係得廿零歲,當自己係大姐姐陪佢玩咋……點知一年後佢媽咪過咗身,我好後悔最後一段日子去醫院接Day仔時,冇上去正式見佢媽咪一面、同佢講可以放心交個仔俾我。因為佢太細個已經俾我湊,所以我從來冇諗過親唔親生呢個問題,總之呢個仔係我責任,亦都係佢另到我同老公咁多年關係更緊密、最後會結埋婚生埋個女。」明明自己主動叫媽媽,不過童言無忌,Day仔兩三歲的時候,試過自言自語口嗡嗡:「鴫仔BB有媽咪,雞仔BB有媽咪,Day仔就冇媽咪,係你叫我嗌你媽咪……」被Joman聽見傷心地躲在廚房裡哭了很久。

21015722_1654133371278162_5582223864214866248_o

步入反叛期 陪讀陪玩溝通要夠
Joman丈夫是電影導演組,長年在外拍戲,Day仔不論日常生活、學校功課、課外活動,還是每年運動日、秋季旅行都是Joman陪在身邊,這個媽媽有多愛他,隨着年紀日長,又怎麼會不知道:「我錫佢佢知嘅,但Day仔今年十歲,好快就踏入青春期。一直以嚟佢打咩機、玩咩玩具,甚至鍾意邊個YouTuber,我都陪佢一齊玩一齊睇,自然同佢好多話題。同小朋友要溝通足夠就一定要知道佢做緊咩、鍾意咩。不過我都預咗一定有呢一日,佢會反叛、會唔鍾意我管、會同我講『你都唔係我媽咪!』點樣應對青春期反叛,我都做咗好多研究睇過好多書,原來佢哋反叛都係因為精力旺盛,我準備好喇,到時同佢報晒啲足球籃球運動班,做多啲運動流多啲汗,仲邊有力反叛呢?」

22894347_1722950831063082_3641158697252158074_n

下集預告:本來是三口之家,慢慢又貓又狗兩年前再生下妹妹可可,愈來愈熱鬧。好在兒子乖巧又愛護妹妹和貓狗,Joman亦自有一套持家之道。

16114916_1432568050101363_3594817085428588305_n

蔣祖曼(上): 不一樣的繼母
想隨時獲得更多親子資訊,就快啲like我哋Facebook啦!⁠⁠⁠⁠

Post navigation