目標本來是餵人奶餵到Justus半歲大,車婉婉說既然人奶有益、自己又能應付得了,於是決定堅持下去。說起來輕描淡寫,其實要兼顧名下粵菜館生意、年中又已經開始復出拍戲,尤其是上月新劇《是咁的,法官閣下》開鏡,最高紀錄試過廠景接住外景,一日踩足二十小時、要揹住冰袋定時定候泵奶還要記專業名詞一大堆的大法官對白,一點也不容易。

2

4

身兼多職 堅持挑戰自己
自己菜館自己顧,一坐完月,已經揹着Justus迅速回粵菜館處理大小事務;到復工開戲,要先跟導演劇組溝通好,可以定時定候躱起來泵奶;車婉婉說最辛苦還是前段日子電影未拍完新劇又開工,試過凌晨兩點收廠、未天光四點又有車在樓下等她開工:「每日揹住個仔等於揹住兩個保齡球一樣已經夠辛苦,到開戲放低個仔,又要一個人揹住一袋開工用品、一袋泵奶器同個冰袋周圍走去開工。嗰陣時一日得兩個鐘落妝沖涼原來已經好濕碎,最高難度係母乳媽媽定時會有生理反應,但係我新劇係做大法官,要背好多專業名詞好多對白,有時真係好難focus會分心。冇嘢嘅,有時我會幫自己做心理輔導,我又想俾個仔最好嘅、我亦都鍾意拍戲係一個專業演員,學識去適應同撇除生理反應,當係挑戰自己囉!」

3

嚴母與怪獸之間 要找到平衡
做了媽媽以後,車婉婉說才見識到為了兒女將來,身邊的朋友可以有多苦心經營,好在和老公Jonathon有共識,認為沒有甚麼是比愛更好的教育:「好誇張,我真係聽過有啲人,BB出世第二日已經去咗報名排幼稚園!咁又唔可以話人係怪獸,我覺得小朋友咁細,真係未識為自己選擇,大人點樣為佢鋪排的確好重要,但係要攞到平衡囉。但係教仔呢,我鍾意自己阿媽嗰一套,好嚴格好有規矩,開餐飯都要叫晒每個人自己先至可以起筷。我覺得最好笑係阿媽細個從來唔俾我哋飲汽水食朱古力,因為佢話佢一個人湊四個仲要做嘢真係好忙,唔得閒帶我哋睇牙醫喎!呢一套OK喎,反正甜食無益,我諗我都唔會俾阿仔養成食糖習慣。」

1

 

想知更多育兒資訊 請留意Easy Pama

車婉婉的高齡日記(下):最難係溢奶仲要記對白
想隨時獲得更多親子資訊,就快啲like我哋Facebook啦!⁠⁠⁠⁠

Post navigation