本來沒有想過會結婚,更沒有計劃過一定要做媽媽,不過緣份說來就來,車婉婉13年與戀愛三年的澳洲籍男友Jonathon結婚成為人妻,今年初再成為人母,誕下兒子Justus。因為懷孕時已經41歲,車婉婉在個人社交網絡上以《高齡日記》為名,細心紀錄下懷胎九月的點點滴滴。你以為生下肥肥白白重達八磅九安士的兒子,總算可以為日記畫上句號?其實人生新一頁這才真正開始!

5

4

遲生有遲生的好 大把人教路
人所皆知是個「神婆」、對星座一向有研究,結婚懷孕、然後生下個白羊座寶寶,其實一切都在車婉婉的預料之外:「所以話我哋係人,唔係神,我一直以為自己會生個雙魚座,點知佢會足晒月順產,生咗個白羊座出嚟呢?所以我一直陀住佢都係抱住個順其自然嘅心態,從來冇諗過自己肥瘦,除咗戒咗我最鍾意嘅蟹同辛辣食物,想食咩就食咩,最緊要係對BB有益。其實遲生又有遲生嘅好,身邊朋友個個仔大女大經驗豐富,呢個教我食咩好、嗰個去轉美國又會買肚紋膏俾我搽,雖然我咩都唔識,但係身邊大把人睇住我!」

2

謝絕打擊 每個媽媽都在努力
有朋友教路、有老公幫手,不過湊仔餵奶始終還是靠媽媽自己來。至今七個月大的Justus已經21磅重,車婉婉說都是人奶的功勞:「有啲嘢係要做咗媽媽之後至學識,有一次Justus咳,食完一劑藥就成身濕晒出晒汗,係擔心嘅,不過我份人好多正能量從來唔會俾自己亂陣腳。我學識小朋友咳唔出痰完來係會痾番出嚟、同埋食咩藥都好,其實最好抗體係來自母乳,所以一開始就決定全部埋身自己餵人奶,目標係六個月。開頭身邊好多聲音、又話溝奶粉、又話BB會食唔飽,我想話唔好咁樣同媽媽講,每個媽媽都喺度努力緊。結果為咗每兩個鐘餵一次奶、又唔想嘈到老公,BB出世後我就搬咗出廳瞓,直到最近轉固至有得搬入房瞓番床咋。你睇下Justus條脾粗到咁,邊個仲夠膽話我餵佢唔飽?」

3

要親自打理母親留下的車氏粵菜軒、年中開始復出拍戲,上月又回到電視台在新劇《是咁的,法官閣下》扮演大法官,車婉婉如何身兼多職再堅持餵哺母乳?下回自有分解。

想知更多育兒資訊,請留意Easy Pama

車婉婉的高齡日記(上):最辛苦日子已經捱完!
想隨時獲得更多親子資訊,就快啲like我哋Facebook啦!⁠⁠⁠⁠

Post navigation