09年與從事金融業的楊長智結婚,關心妍去年7月終於誕下兩人的首個愛情結晶,女兒Jovia(心心),從關家姐榮升做關媽媽。

image1
現在女兒15個月大,關心妍一邊親力親為照顧起居飲食,一邊也在忙着處理自己名下「妍亮生命慈善基金」將於十二月舉行的慈善晚宴。今年活動主題是關注本港青少年自殺問題,關心妍在籌備的同時,也檢討反省自己用在心心身上的那一套:「我成日同佢講做人唔一定要perfect,跌低咗就要自己爬起身。fail咗冇所謂,咪試多一次囉!」

image3

 

身教最重要 獨立有禮緊要過學ABC
關心妍三年前成立「妍亮生命慈善基金」,本來是專注於幫助青少年吸毒和戒毒問題。不過有鑑於近年學童自殺個案大增,今年的慈善晚宴於是聯同支援心理輔導和治療的「全康澄心」,為服務中心籌集經費。「我自己從事青年服務十四年,成日會對住中學生講要自強不息、唔好掂毒品。其實有時等到中學先至糾正佢哋、同佢哋講呢啲已經太遲,所以我細細個就會貫輸俾心心聽,跌低咗要自己識得爬起身、俾人搶咗玩具唔使一定要爭番。我唔需要佢讀名校、唔使佢學好多課外活動,識ABC、識計數但係唔識講唔該、輸唔起又有咩用?唔好以為佢哋細就咩都唔識,其實講道理之餘身教最重要,所以心心依家15個月已經知道要帶婆婆去坐低、一定要尊重長輩,同埋去到play group都好獨立,一句bye bye媽咪就自己走埋去上堂。」

image2

 

向電子奶嘴say no 囡囡食飯要面壁
眼見時下的問題少年家裡要不然漠不關心,要不就是過度寵溺、過度施壓,關心妍和丈夫Jonas為人父母以後邊做邊學,分工合作希望找到平衡:「我做娛樂圈,咁多年嘅習慣都係要快、要見成果,樣樣嘢都好心急。有咗心心之後,開始學識好多嘢急唔嚟,對住小朋友耐性真係好重要。而佢爸爸錫佢之餘都明白過份縱容冇好處,所以有啲家規同底線好分明。雖然佢得15個月大,老公已經定咗一套規矩,要求佢食飯時一個人對住面牆食,等佢專心食飯唔好分散注意力,食完至可以落櫈去玩。實行幾個月,爸爸呢一套真係好使就算出到去食飯,人哋個小朋友又玩具又ipad又要追住嚟餵,但係心心咩都唔使,廿幾三十分鐘食完餐飯就自己走去玩。唔好以為佢哋細就唔教,其實好多習慣係由細陪養。」

image4

不說不知道,其實關家姐好煮得!下回分解,看看做媽媽前包辦老公早午晚三餐,做媽媽後關心妍又為女兒泡製甚麼愛心茶點。

想知更多育兒資訊 請留意Easy Pama

Easy PaMa 關心妍(上): 我唔需要佢係perfect
想隨時獲得更多親子資訊,就快啲like我哋Facebook啦!⁠⁠⁠⁠

Post navigation