24小時音樂無限loop
上回講到爸爸Tim忙住拍戲、宣傳新歌,就算一收工即刻撲回家,對住囡囡時間始終有限。唔使驚,媽媽楊洛婷有個音樂playlist,從Tanya還在肚裡時已經每日無限loop,當中又點少得爸爸樂隊Dear Jane金曲呢:「我哋夜晚俾佢聽莫扎特同古典音樂,日頭就會有爸爸歌、廣東歌、電子音樂都有,真係24小時屋企都有背景音樂響住,因為預咗第時好多演唱會去,俾囡囡習慣定都啱!」

01

信息要過瀘 醫生優先
Tanya兩周大時,楊洛婷請來攝影師上門拍攝初生嬰兒照。如何令囡囡全程安睡讓攝影師順利工作?原來又關背景音樂事:「初生BB其實喺媽咪肚入面習慣咗好多聲好嘈,所以聽人講下載咗吸塵機聲落嚟俾佢聽。原來係真,嗰日影相全程loop住吸塵機聲,Tanya真係好好瞓、拍攝好順利。」別人的意見要聽,不過Rabeea自細有主見、從懷孕到現在,接受訊息一直有自己一套:「新手媽媽接收太多訊息未必係好事,我有朋友就係因為咁生完無耐出咗事…..所以我由陀BB開始就同身邊朋友講,千祈唔好同我講太多,費事搞到我產後抑鬱。除咗醫生講既嘢我會聽,其他嘢其實真係要自己摸索,邊隻泵奶器更適合自己、用邊個奶樽咀BB飲得最好,都係要靠我呢個媽媽自己去搵去試。」

22045927_884591051717371_1435121991507688087_n

 

性格獨立 以後靠自己
楊洛婷在加拿大長大,老公Tim則是在美國長大,兩個月後迎來一家三口第一個聖誕節,Rabeea說最興奮就是要帶Tanya回溫哥華過聖誕、再轉道去紐約過新年:「啱啱我至帶Tanya影完護照相,一家人都好期待呢個trip同我哋第一個聖誕節。做咗爹啲媽咪之後,我同Tim每日都好開心好滿足睇住個女滿滿成長、愈嚟愈多表情,我哋兩個性格同成長都好似,都好獨立、從來唔鍾意人幫。囡囡第時會點成長我哋未知,但有一樣嘢我哋睇法好想相同,就係希望Tanya都可以好似我哋唔需要靠屋企,可以有自己主見、做一個獨立既人。」

 

02

想知更多育兒資訊,請留意Easy Pama

Easy PaMa 楊洛婷(下):希望兒女獨立唔靠屋企!
想隨時獲得更多親子資訊,就快啲like我哋Facebook啦!⁠⁠⁠⁠

Post navigation