囡囡Tanya Faith滿月喇!

03年港姐亞軍楊洛婷(Rabeea)14年與樂隊Dear Jane主音黃天翱(Tim)在夏威夷結婚,上月14日誕下二人第一個愛情結晶,女兒Tanya Faith。眨下眼,Tanya已經滿月,Rabeea告別照顧自己一個月的神級陪月,即將開始單打獨鬥照顧囡囡的日子。楊洛婷說,好在自己一向獨力,陀女第一天已經覺得不僱外傭湊女、家務靠自己,再加上有個收工回來都肯分擔家務、陪女湊女的好老工,新手媽媽邊做邊學才是樂趣!

21751452_880887618754381_1356803930534676281_n

 

好彩有個神級陪月
Tanya滿月已經將近九磅重,一天吃六次奶、每次喝200ML奶,是別人家寶寶三個月的份量,食量驚人。湊得囡囡肥肥白白,Rabeea說居功至偉除了自己這個「母乳供應商」,背後還有勞苦功高的陪月Janet:「我呢個陪月真係一百分,佢有中醫底、又好勤力好有心機,仲試過特登去日本整嘢食。所以呢個月我每日三餐加下午茶都俾佢照顧得妥妥貼貼、奶水充足。佢煮俾我既嘢食每日都有新花款,鮑魚、海參、花膠扒啦,煎腸粉會落黑松露,生煎包糯米雞都會自己包,蓮蓉包會用紅菜頭汁做色製成玫瑰花咁樣……所以BB一滿月,我雖然好期待之後既日子,不過都已經開始好掛住個陪月。」

22154564_887276638115479_9145780964570317873_n

cute

盡責老公分工合作
陪月姐姐一日都係返八個鐘,負責媽媽Rabeea三餐,其實囡囡餵奶換片沖涼、家頭細務還有照顧家裡寵物小狗,還是Rabeea自己包辦。不過勞碌得嚟,囡囡食得瞓得又痾得、老公Tim又肯分工合作,忙得充實又甜蜜:「老公宣傳新歌又拍緊戲,不過佢返屋企都好願意同BB玩,睇下佢笑、幫佢換片。BB一日五餐,我哋校到好準時每四個鐘一次,我同Tanya餵完奶夜晚九點就瞓,凌晨12點嗰餐就老公負責,然後半夜4點我瞓夠又輪班。Tanya好乖又肯食,不過食人奶食量又多過人,即係便便都會好壯觀。試過半夜幫佢換片,佢突然火山爆發噴到成幅牆都係,搞到我嗱嗱聲叫醒老公幫手,然後自己抹牆抹足成個鐘…….做媽咪就係咁,邊做邊學,依家我哋學精咗,會攞人哋擺廚房爐頭擋油煙既錫紙板擺喺換片枱尾,下次再噴屎咪唔怕囉!」

22448504_893415287501614_6330148684672811440_n
為人父母的都懂,做了爸爸媽媽以後對屎屎尿尿的接受程度都會大增。想知道老公係樂隊主音,楊洛婷的獨門音樂育兒playlist?記得留意下回分解!

想知更多育兒資訊,請留意Easy Pama

Easy PaMa 楊洛婷(上): 湊女要邊做邊學
想隨時獲得更多親子資訊,就快啲like我哋Facebook啦!⁠⁠⁠⁠

Post navigation