今年中,貝安琪從慕尼黑回港重新投入工作,一樣沒有想過聘請全職外傭幫忙,只在出外工作的時候請兼職媬姆代勞幾個小時,大部份時候還是親力親為照顧兒子,甚至帶着 Sebastian 一起開工。

image2
兒子漸漸長大,該接受甚麼樣的教育、如何讓他快樂成長成了最大課題。不少香港家長響往德國兒童遊戲中學習、小學之前完全不用握筆識字那一套,不過在德國長大的貝安琪則認為香港教育也有可取之處,最重要的還是孩子的人格教育。

image4

名模湊仔團 一齊玩一齊學
今年五月,貝安琪在港為 Sebastian 舉行百日宴,名模 Jessica C.、Ana R.還有名人周國豐一家也是座上客。做女時名模朋友圈愛講工作、談扮靚,現在一起做了媽媽,聚在一起的話題當然都是以育兒心得為主。一班名模和好友還組成 playgroup 讓兒女定時聚會和玩樂:「我母語係德文,Simon 講法文,工作關係普通話一樣好流利,我同 Simon 喺屋企會講英文,有時對住婆婆或者出街就會聽到廣東話多啲,其實專家有研究,小朋友成長期間接觸太多語言絕對係好事,最緊要每個角色主要用一種語言,就唔會令佢有混淆。雖然我喺德國接受教育,但 Simon 喺香港長大,Sebastian 喺邊度讀書唔重要,但一定要開心同接觸多啲大自然,為人父母唔唔好逼佢做選擇。同埋我覺得男仔人品最重要,我會教囝囝要識得尊重人、對人好,希望佢第時會係個有風度既 gentleman。」

image3

最想拍番戲更想生多個
一開始從沒想過自己會做媽媽,到為人母後體驗樂趣無限,貝安琪說雖然自問不如朋友們可以一個湊三個甚至四個,不過生多個是必須的,做人計劃等到 Sebastian 滿兩歲就會開始執行。「我想生多個BB,但係都想可以接多啲工作,最希望快啲拍番戲。因為做嘢有做嘢既開心,做媽咪亦都有做媽咪既滿足感,我相信女性可以身兼多職,亦都覺得做媽咪之餘,可以外出工作都係一個好好既平衡,會令我更珍惜返屋企同囝囝相處既時光之外,離開屋企亦都係一個好好既機會俾我有時間、有空間可以 clean mind,對我、對BB、對男朋友 Simon 都有好處!」

想知更多育兒資訊,請留意Easy Pama

貝安琪:要教囝囝做Gentleman(下)
想隨時獲得更多親子資訊,就快啲like我哋Facebook啦!⁠⁠⁠⁠

Post navigation