image1

回味八個月初體驗,雖然要靠自己一個飛回老家德國幕尼黑生仔、坐月,戒夜奶、出牙、食粥仔每個過程全靠自己慢慢摸索,年中從德國回港更要兼顧演藝工作和照顧兒子,聽來不容易,新手媽媽貝安琪卻說和兒子共處的每一刻,都是最好的時光。

說好的坐月呢?鬼妹唔興呢套
港女大肚要做皇后,坐月要叫齊媽媽、陪月、外傭幫拖是常識吧?今年34的貝安琪在德國出世,在德國長大,所以字典裡沒有「大肚婆大晒」、「坐月一定要人幫」呢一套。一發現有喜,就決定回老家德國慕尼黑安胎和生產,而 Simon 因為工作纏身,陪 Ankie 進完產房隔日就要趕回香港,結果留下 Ankie 自己一個渡過別人眼中最難捱的初生湊B體驗:「諗番轉頭唔覺得辛苦,仲好開心添!到依家返咗香港,都仲係好回味頭嗰幾個月得我同囝囝嗰段日子,覺得嗰段日子先至係真正母子之間既 connection。再加上囝囝又好易湊,每日一瞓醒就對住我笑、兩個幾月已經戒咗夜奶、成日一覺瞓到七點幾至起身……歐洲都唔興坐月,我啲德國朋友一個湊幾個一樣湊得好好,人哋做到,點解我做唔到?」

image3

鑽研獨門BB食物男友都眼紅
專家有一套、長輩又一套、朋友亦都各持己見,新手媽媽大概都試過因為訊息過多反而方寸大亂的日子。貝安琪則是邊做邊學,慢慢知道最適合兒子的只有自己知道:「BB幾時開始食固體食物、到底食咩好,人人意見都唔同。Sebastian 未夠五個月就開始食南瓜蓉、番薯蓉,因為我睇咗好多書,專家話見到佢哋開始對大人咀嚼食物感興趣、有反應,就可以開始嘗試。我本身已經好鍾意煮嘢食,有BB之後更加好有興趣變花款、煮新嘢俾囝囝試。我煮俾 Sebastian 既食物唔會落糖同鹽,不過就會加蒜蓉同泰國、印度既唔同香料,囝囝次次都會清晒。老公都話因為我煮俾佢既嘢太好味,所以出街食飯,佢反而唔鍾意冇興趣添!」而八個月大的 Sebastian 最近開始出下門牙,常常因此哭鬧,貝安琪亦諗到計,將菠蘿、西瓜切塊雪成水果冰給囝囝咬,果然疏緩痛楚,還能慢慢啜出冰凍果汁,好用兼好味!

image4

image5

話說貝安琪母語是德文、男友 Simon 主要用法文又能說一口流利普通話、兩口子在家用英文溝通、而 Ankie 媽媽劉香萍則說廣東話,到底如何用齊五種語言同囝囝溝通?貝安琪想繼續做全職媽媽定想回歸幕前?敬請留意下回分解!

想知更多育兒資訊,請留意Easy Pama

貝安琪:享受母子時光(上)
想隨時獲得更多親子資訊,就快啲like我哋Facebook啦!⁠⁠⁠⁠

Post navigation