一直是眾人心目中的「不敗女神」楊采妮(Charlie)於今年4月誕下雙胞胎仔仔Ignatius和Aloysius後,五個多個月以來過著全職媽媽的生活,由餵哺母乳、沖涼換片、說故事、帶BB外出體驗,最初每晚只有4個幾小時睡眠,Charlie都是落手落腳去實行,是因為事先已跟丈夫計劃了,要全情投入和體驗照顧寶寶生活。

Charlie01
Charlie跟小編談及兩位囝囝逸事時,仍難掩興奮及享受做全職媽媽的心情:「我同先生都一早傾好咗想以照顧小朋友為先,始終我地係遲結婚同生BB,進入咗人生唔同階段,要好好enjoy同小朋友相處時間。」就如大部分雙胞胎嬰兒,Charlie兩位囝囝都是早產嬰兒,決定以健康行先,決定餵哺母乳:「當然係好攰同唔夠瞓,加上係要餵晒兩個,所以更加認為頭一年要全心全意照顧BB,相信大部份母乳媽媽都明白到,要工作係需要好多方面配合,咁之後我仍然係會工作嘅。」

生活要規律 自製記事時間表
本身是天主教徙的Charlie婚後已跟丈夫邱韶智定居新加坡,哥哥Ignatius和弟弟Aloysius已於8 月8日在當地一間教堂領洗,兩位仔仔名稱都是源自天主教的聖人,帶有神的役使意思,而且五個大的他們學始學坐,更會反身並360度爬爬,兩位開始已展現不同脾氣和性格,例如哥哥喜歡打直抱,而弟弟就一定要橫抱先睡得著,喊和叫聲都有大不同,Charlie好窩心地分享:「呢啲都係做媽媽最貼身感受到,好珍貴體驗。而且大大下已經知道佢表達咩而喊。所以訂立規律生活好重要,好似我兩個BB每晚8點一定已經瞓晒覺,食奶會泵出嚟用樽餵,知道兩兄弟食咗幾多再紀錄低佢,呢樣真係好重要,係由香港請過嚟陪月教我,由出生到依家一刻我都有mark低,食奶份量、每日去veve同poo poo時間、好似最近開始試米糊都有記低,如果將來加副食真係有敏感都會清楚知道。」

Charlie02

Charlie:「BB好聰明 放手探索好重要!」
除了6月份時曾來港出席event而跟BB分開數天外,Charlie已當了五個多月全職媽媽,Charlie親身感受到BB的成長經歷:「最初佢哋只對黑白書有興趣,慢慢開始對colorful圖書有興趣,最近仲鐘意有公仔圖案添。」

Charlie主張給予小朋友空間自行探索和感受,早於滿月不久,已帶兩位仔仔遊公園感受大自然,「我好信大自然,唔想成日留噝冷氣房,我覺得BB係感受到,出去照照陽光,佢哋會踢踢腳好開心。」

Charlie03
BB即將踏入副食期,Charlie身邊不乏已生小朋友的好姊妹如梁詠琪、李心潔及許茹芸等,不時於群組互通最新育心資訊,當地接產的家庭醫生更提供最貼心的提示:「我會由淡而濃咁比BB去嘗試,即使水果、蔬菜、肉類都會揀選淡味先,當然均衡飲食好重要!」Charlie媽媽凡事以BB為先,做佢囝囝真係好幸福呀!

Charlie家中仲有兩隻狗狗,想知佢點樣同狗狗一齊做胎教,兼顧四位孩子有咩秘訣,就要留意下集啦~

想知更多育兒資訊 請留意Easy Pama

 

 

 

楊采妮:好enjoy現在唔夠瞓生活!
想隨時獲得更多親子資訊,就快啲like我哋Facebook啦!⁠⁠⁠⁠

Post navigation