90103

小朋友扭買玩具,是常識吧,有媽媽會選擇「息事寧人,畀錢走人」,但我極少心軟,因為平時我哋一家人會喺屋企搵唔同材料自製遊戲,少玩坊間嘅玩具。

小朋友好易三分鐘熱度,玩具買返屋企好快就覺得悶而唔玩,所以寧願佢哋喺屋企攞用完嘅廢紙、紙盒,DIY一啲遊戲,畀空間佢哋創作同自由發揮。每次全新嘅體驗,都令佢哋有新鮮感,刺激思考,3姊弟喺學校都畀老師讚喺藝術方面表現得幾好!

見囝囡玩得咁開心,我玩心大發,做返我嘅「老本行」- 時裝造型設計。有一次,我用紙DIY楊千嬅演唱會時著過嘅紅色裙,Share到Keicy個Facebook Page之後,就突然多咗人Like,及後又做咗好多DIY服飾,扮過薛凱琪、容祖兒、Lady Gaga,部份連被模仿嘅歌手都俾Like或者Share。

90105

90107

其實,長期玩街買嘅玩具或者遊戲,媽媽好易會覺得悶,玩得唔夠開心,剩係3姊弟每人輪流同你玩一次,都夠你悶啦!不如就地取材,同小朋友一齊 DIY衣物,過程搞笑又好玩,自己都好enjoy!而且,小朋友直覺好強,如果家長都玩得開心,囝囡一定更開心!

想知更多育兒資訊 請留意Easy Pama


 

fionaFiona
育有Keicy、Kassy同Par Par嘅我,3姊弟有晒小學、幼稚園同playgroup經歷,四年抱三令我一次過「儲齊晒」其他人喺唔同時間經歷嘅事,亦因為有好多人問我育兒、揀學校等資訊,所以我將三個囝囡嘅成長片段同點滴,透過 blog同Facebook Page開心share!我唔係咩都識,唔係一個完美媽媽,但我盡全力令3姊弟有完美嘅童年生活,希望將來我老咗嘅時候,可以同佢哋一齊笑住講返舊時啦!

連結﹕Keicy Wu 胡梓盈

【Fiona與Keicy】少買玩具 家庭反而更開心
想隨時獲得更多親子資訊,就快啲like我哋Facebook啦!⁠⁠⁠⁠

Post navigation