人人有SAY
【理財滿FUN】虛則實之的教育方法

4479756
我想阿女勤力讀書、做個誠實的孩子、善良友愛、樸實節儉、有好奇心……。我同大家一樣,都好想自己嘅小朋友有好多好多正面嘅性格特質同良好嘅價值觀,但呢啲形容詞係好虛嘅嘢,除咗身教言教,仲有冇更具體嘅教育方法呢?

紫晶今次同大家分享一個方法,覺得頗有效和有趣,適合幼稚園的小朋友。

對象:幼稚園小朋友

道具:用手工紙剪裁成水果形狀,設計成一幅價值樹。

方法:喺屋企找一度牆或者房門,用手工紙做一棵大樹,要比小朋友高大,樹上有10條左右樹枝,每條樹枝代表一個價值觀,家長可以將需要孩子特別注重嘅價值觀標示出嚟,有關小朋友的理財價值觀可以係儲蓄、不浪費、小心財物等等。

最初樹枝上會光禿禿,但在日常生活中,家長如發現小朋友在語言或行為上展示了價值樹上任何一種價值觀,家長可以讚賞孩子之餘,將呢件好事寫喺水果形手工紙上,然後貼喺相關樹枝上。父母盡量鼓勵小朋友自己用文字和圖畫自己完成表達,小不點如果唔識執筆,才由爸媽畫寫。

技巧:紫晶最喜歡跟小飯糰睡前讀故事,然後談心,先問下佢今日有冇唔開心嘅事發生,跟住問佢有乜開心事,其間會總結歸納一啲值得表揚嘅行為,母女一齊將件事寫好,然後貼在樹上。久而久之,樹上會長滿好多值得大家驕傲嘅回憶。

特別一提,我哋唔需要小朋友做咩大事,就算好微小嘅事情,已經可以用嚟鞏固加強孩子嘅價值觀,例如囝囝今日同朋友分享糖果,已經係友愛嘅表現,值得稱讚。而且因為得到父母正面嘅回應,小朋友會越嚟越喜歡將自己嘅感受經歷同父母分享,加強親子關係,好似小飯糰每日放學,經常都急不及待同我報導喺學校發生嘅事情。

透過以上方法,我哋可以將抽象嘅價值觀具體呈現小朋友眼前,而且效果有持續性、可以累積同量化。當我哋發現有啲樹枝缺少果實,代表那種價值觀有點被忽略,爸媽可以主動搵機會加強相關教育。

最後,咁珍貴嘅價值樹,記得同孩子一起拍照留念啊!


李紫晶PROFILE-PIC
撰文:李紫晶
40幾歲土生土長,經常笑口常開嘅樂天派師奶,除咗食同瞓,最大嗜好係搞搞女兒嘅敎育同埋理吓財,最大幸福感亦係要財政無憂加女兒品學兼優。李紫晶將用心跟讀者分享親子理財,激勵大家靠自己創造樂融融的美好生活。

 

 
📣相關閱讀
▸ 學習加減運算 從沒有數字開始 http://bit.ly/2NW6aOx
▸ 求學經費大貶值?http://bit.ly/2PmjTjt
▸ 點解唔買教育基金?http://bit.ly/2OVv2ri
▸ 小朋友賣廢紙 都可以學到資產增值? http://bit.ly/2MHg0Dy
▸ 小朋友想財務自由 最緊要識儲「雙優資產」? http://bit.ly/2PjAzrC
▸ 親子理財必學:「不勞而獲」http://bit.ly/2PjAzrC

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest