人人有SAY
【理財滿FUN】去外國讀書要點儲錢?

上星期紫晶話供教育基金回報唔及供啲有升有息嘅資產好,再具體啲,如果想送仔女出國留學,究竟幾時開始儲錢同點樣儲先可以計掂條數呢?

假設阿B會由中一開始入讀英國寄宿學校,學費加生活費基本要30萬一年,六年中學總額180萬,咁大筆錢,最好阿B一出世就開始儲蓄啦。如果用番上期教育基金預期回報每年4%,父母需要每年儲蓄8萬元(即每月約6700元),直至阿B 18歳中六畢業為止,其間由13歳開始,每年從基金中提取30萬作為留學支出。

16623322

 

如果用年複合增長率有8厘嘅煤氣又如何呢? 同一個情況,家長每年用6萬元購入呢隻股票(即每月5000元)便可以完成目標,每年供少1/4金額呢。大家可以再用圖表詳細比較一下:

EasyPama_m_Table-05

 

除咗煤氣,其實仲有其它資產都有相同、甚至更好嘅表現。過去12年,年複合增長率8厘以上而又比較表現平穩嘅資產仲有:

EasyPama_m_Table-06

雖然以上各資產嘅過往表現不代表未來表現,但各位爸爸媽媽可以以此作參考,選擇儲備合適資產,應付小朋友日益高昂嘅教育支出。

(本文只提供一般資訊,它不構成購買任何證券或其它投資產品的邀請或建議。本人持有上文提及之資產的權益。)

李紫晶PROFILE-PIC
撰文:李紫晶
40幾歲土生土長,經常笑口常開嘅樂天派師奶,除咗食同瞓,最大嗜好係搞搞女兒嘅敎育同埋理吓財,最大幸福感亦係要財政無憂加女兒品學兼優。李紫晶將用心跟讀者分享親子理財,激勵大家靠自己創造樂融融的美好生活。

 

 

📣相關閱讀
▸ 點解唔買教育基金?http://bit.ly/2Ospmrv
▸ 小朋友賣廢紙 都可以學到資產增值? http://bit.ly/2OLi4vX
▸ 小朋友想財務自由 最緊要識儲「雙優資產」? http://bit.ly/2wY84I9
▸ 親子理財必學:「不勞而獲」http://bit.ly/2wY4I81

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest