人人有SAY
【專家教仔】正確使用冷靜角 幫助幼兒表達情緒

冷靜角是一個讓小朋友冷靜的地方,並不是一個懲罰的工具。

有不少朋友都錯用冷靜角:當小朋友發脾氣時,就「罰」去冷靜角,特別是幼兒,還在發脾氣,會肯聽你話,入去冷靜角企三分鐘?

冷靜角就好像廁所,是一個「中性」的地方,有需要便要去。當初次「介紹」這個地方時,應該是在小朋友心平氣靜時,慢慢告訴他:「好唔開心就可以去呢度冷靜一下」
這需要練習的。但不要期望練習後,小朋友想發脾氣會自動自覺,行去冷靜角,大人都不可以啦!

當小朋友真的想發脾氣(或正在發脾氣)時,父母可以一邊講出小朋友想要的事及心情,並希望小朋友可以冷靜,細細聲講出「想要甚麼」,像「我明白啱啱你講咗佢想要啲咩!但發脾氣,就係唔講道理嘛!」又例如:「我知道小明而家好唔開心,好想食糖,你慢慢講俾爹哋聽你其實想點?」然後一邊帶、拖、抱、捉他去冷靜角。
初次使用冷靜角時,以上對話及行為可以糾纏很久,你可以重覆使用,小朋友不會記得你兩秒鍾前講過的;記得首幾次使用時,你要有足夠時間「溫柔地堅持」。

002 幼兒仍未好好掌握控制情緒,而在家設置一個冷靜區,視為令他們自行 timeout(即做了頑皮行為,要他們停下來,冷靜一段時間),不過,程衛強覺得,冷靜角是一個中性的地方,家長不應該視為懲罰。

當佢冷靜下來(其實很可能是喊到累了),便可以讚他冷靜下來,可以說「數多十聲」給他再平靜一下(或 20或 30秒, 隨你鍾意;習慣以後,你數 10、20、30聲便可以冷靜)要注意,平時你「兇」小朋友那種:「嗱!1、2、3好收聲」,完全是「錯哂」!
跟他談一些方案,像「我都知你想食糖,但係你呢排咳喎,不如我留一粒最大嘅畀你,等你好返就請你食啦!你想要咩色㗎?或留糖紅色俾你好唔好?」(但你很清楚他想要的是綠色)如果最後那句,是「問題」的話,可能會更有效果。
但,不要問「好唔好」;另外,也要視乎小朋友嘅語言能力。
當幼兒習慣了使用冷靜角後,你會感覺到他們在情緒控制上進步多了。我的小朋友,大約18個月左右就開始使用。


 

程衞強_Pro-pic

 

撰文:程衛強
兩子之父,註冊心理學家、CPDA幼稚園校監、香港兒童綜合發展中心(HKCIDC)顧問、大學客席講師;同時為專注力不足症(ADHD)患者的他,不認為這是一個咒詛,反而是祝福:超強的多工化(Multi-task)、思維的靈活性及適應力,都是他的標籤。

 

 
相關文章:
獎勵得宜五大守則 有效建立良好行為 https://bit.ly/2ARQr20
專心和專注力不一樣 三大法則提昇專注力 http://bit.ly/2uSDuPK
學得快等於學得好?(上)https://bit.ly/2NwasNM
學得快等於學得好?(下) https://bit.ly/2NcicU9

想知更多育兒資訊 請留意Easy Pama

 

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest