人人有SAY
鄭萃雯(上):快樂擔憂打孖上!

從天氣小花,到新聞主播,今年32歲的鄭萃雯(Karen)11年與電視台攝影師Anson結婚,16年元旦誕下卓言和卓喬,成為孖仔之母。這一天,Karen帶著一對兩歲七個月的孖仔來接受訪問,暢談陀孖的辛酸與一打二的忙碌:陀足37週、就擔心足37週;不靠陪月不請工人,一個對兩個的非人歲月;心理生理備受折磨與孖仔打足半年濕疹仗;還有如今兩個黐身小魔怪日夜廝殺列車一樣搶媽媽……邊說,鄭萃雯邊望著坐在面前的兒子說:「對唔住都要講句,阿仔,你哋真係好煩吖……」當然,口裏說煩,笑容和眼神最誠實,滿滿的幸福、濃濃的關愛。

1

2

一語成讖 真係孖B
兩邊家族裏都沒有生過雙胞胎,鄭萃雯回憶三年多前第一次產檢,兩公婆都淡淡定以為基因決定一切,在去診所的路上還大講雙胞胎笑話:「我問老公,鍾意仔定女,佢話仔女都無所謂,跟住畀咗個好不屑嘅表情我:『可能係孖呢?』……點知,一語成讖。我好記得嗰日由醫生度離開,老公全日粒聲唔出、面無表情。直到夜晚,冒出一句:『今次大鑊喇!要換七人車喇……』我又覺得冇所謂喎,自己鍾意小朋友、一次過畀我生夠兩個,六合彩都冇咁易中,梗係覺得好開心啦!」

3

4

陀孖辛酸 匹布咁長
結果呢?家有孖仔,當然不止換架七人車咁簡單!別人陀B四個月踏入舒服期、做緊女皇,鄭萃雯則是從懷孕四個月開始,沒有停止過擔心:「荷爾蒙影響,第四個月已經有好多唔舒服,盤骨撐大、手腕骨質疏鬆,呢個時候已經好痛;我本來就細份,醫生又話我宮頸短,由四個幾月開始要我卧床;雙胞胎屬於高危孕婦,個個星期要產檢見醫生,又怕佢哋雙胎輸血症,隨時隨地會有一個死亡;二十多週時照結構又曾經懷疑一個頸皮厚,可能係唐氏綜合……點算呢?佢哋係同卵雙生,一個有即係另外一個都係,廿幾週已經成咗形,於是又要再冒險抽羊水。點算呢?我真係覺得呢個時候人好渺小,一切只能交畀個天。」
5

6
預告:正是因為從陀B到湊到卓言、卓喬如今兩歲半,一路走來都不容易,最近開始要張羅孖仔入學的鄭萃雯說絕不做虎媽,健康和快樂比甚麼都重要!

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest