人人有SAY
【童心手記】不懂繪畫的家長 究竟想孩子怎學畫?

001

繼續談談暑假的事。

暑假前,很自然會多人查詢課程,早前便遇上一位很有趣的家長——

家長:我小朋友很叻,十一歲,有甚麼班適合?
老師:可以呀,進階班?這個班要小朋友主動一點,有畫畫根底的。有問題要主動問老師。
家長:吓?即係老師唔教㗎?
老師:教…但要求小朋友識表達自己想要甚麼,唔識的地方。一係上其他班,有風景啦,就用水彩,有動漫,咁會用下塑膠彩⋯⋯
家長:咁佢哋咪唔可以自由畫囉?
老師:咁唔係完全無得自由,例如背景都係自己創作嘅。
家長:咁呀…等我諗下先…佢好叻㗎!

看着這位父母,我就想像一下父母想要甚麼。

是要在自由大海中畫出具體而帶有束縛性的偉大航道?
是要在不打破框框之下而又突顯出天馬行空的自由創作?
是嘗試在有限的自由之下展現出限制中的無限?
是努力在牢籠中尋覓自由飛翔而具有綑綁式的瘋狂?

扭盡六壬嘗試在父母腦海中「撈針」,同時父母突然爆出一句——

家長:你講嗰啲即係素描?
老師:嗯⋯⋯其實你想他學素描?
家長:我唔識,我交俾你教囉。佢好叻㗎喇。
我:一係你帶小朋友來看?(即係想畫咩就畫咩但唔講而老師仲要跟到佢個思路?)

這個只是冰山一角的趣事,是笑話,也是現實。
現實中,就是有家長完全不知道自己想要甚麼,以下全是真實個案:
「我都唔想迫個仔,你哋可唔可以好愉快咁操下佢?」
「我知道佢仲細,用唔到木顏色架喇,不過都可以試下啫。」
「我想家姐學深啲呀,始終佢大過阿妹,無理由學同一樣嘢架嘛。(也許父母一時忘記了家姐只係五歲幾而細妹…..四歲)

老實說,不知道自己想要甚麼的家長是最可怕的。
老師面對家長當然可以無奈,一時重視開心,一時想要分數;一時重視過程、一時想要結果;一時重視童年,一時想要未來……

但這不是最可怕,反而是在如此父母之下成長的孩子會怎樣?
上班一族應該明白,有位朝令夕改,做事隨心情變化,處事由天氣決定的上司是多煩惱,
好像永遠多努力,做幾多,即使費盡心思都不會得到理會,
這是一件無法想像的可怕。

但返工都話可以辭職,尚且有反抗能力;而孩子就只有父母,即使不明白不理解都得接受。
孩子就是每天看着變幻莫測的父母,努力猜想父母今天的心情,偶爾留意一下天氣報告,說不得可以在其中看到父母心情變化的玄機。

這樣的家長不是最多,但實在也不少。
父母需要有自我,要知道自己做甚麼,不要輕易受外在因素影響。
因為,孩子只有父母,父母是孩子的避風港,是指引的牧仗,是他們的一切。

002
童心_Profile-pic

撰文:童心
從事兒童藝術工作多年,面書群組「不願小朋友成為功課奴隸」版主,團結家長力量爭取兒童權益。

 

 

其他文章:
【童心手記】孩子連地拖也不知道是甚麼

兒童畫有創意 大人先放手

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest