人人有SAY
康子妮(上):從來唔覺得為頭家係犧牲!

失敬失敬!一直以為康子妮就是林曉峰之妻、兩個兒子林寶和林熙之母,資料搜集之後,才發現這個媽媽真正多功能:16歳鋼琴演奏級、大學在多倫多讀音樂、26歲結婚、27歲產子以後淡出「視壇」卻沒有淡出「樂壇」,製作樂譜、編寫校歌、擔任大型鋼琴比賽評判、8年前還開始成為鄭伊健和歲月友情系列巡迴演唱會御用樂手及和音。不免會想,如果沒有結婚生子,她的事業會……康子妮就此閘住我:「唔好咁講,個仔我都有份,我從來唔覺得結婚生人仔做媽媽係一種犧牲。」

image1

image2

多功能背後 總有個肯付出的另一半
生林寶那一年,康子妮27歲,林曉峰30歲還不到,前景光芒、可能性還很多,卻早婚又早生、還兩年抱倆,從此離開電視台專心湊仔:「成日有新聞講陀B生仔要老公、老爺獎勵乜乜乜……我真係唔明,結婚係兩個人決定、個仔大家都有份、點解需要獎勵?點解只得媽媽就叫做犠牲?呢十幾年我同阿Lo(林曉峰)角色經常調轉,佢開工時我負責湊仔、車出車入…….哈哈,兩個仔細個時一度以為媽媽係個職業司機;而我要投入工作時,佢都放棄好多幫我睇住兩個仔。佢30歳唔夠做老竇,好多人呢個年紀都仲係打緊機、夜蒲緊。我想話,頭家同細路兩個人都有份,唔可以叫犧牲、亦都唔可以話係付出,我同佢覺得,更確切,應該形容為一種選擇。」

image3

image4

說得到又做得到 不求分數只求快樂
所謂選擇,就是自己的孩子,自己來陪伴和教育。14歲的林寶和13歲的林熙如今高過爸爸媽媽、性格亦漸漸形成,就看得到當初選擇家庭和孩子以後的收成:「相比學業成績,我哋覺得一個人一定係品格同良知行先。從小培養佢哋有禮貌、負責任、態度好、表裡如一同埋真誠守時,好安慰,朋友親戚之間,呢方面對兩個仔評價都好高。我哋從來唔係谷成績、鋤past paper的父母,小學本來幫佢哋揀咗間happy school,呢幾年學校開始變質、功課多壓力大,中學我都幫佢哋轉咗國際學校。老實講,兩個仔小學真係試過有學科唔合格,又如何呢?合唔合格標準係邊個定?操行係唔係又應該有個分數線呢?得到幾多分都好,我更注重佢哋付出幾多努力,而唔係要同人鬥。我諗咩父母生成咩仔女,我同阿Lo都係唔鍾意鬥,更享受自己活得開心。」

image5

預告:林家有子初長成,林寶和林熙也開始有自己的想法踏入反叛期,康子妮明白這個階段父母說得太多會適得其反,有時候會放心讓聖經、讓好朋友草蜢、鄭伊健去影響和教育孩子。


想知更多育兒資訊 請留意Easy Pama

 

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest