人人有SAY
【幼稚園老屍】幼稚園面試看甚麼?

 

001

最近經常收到這類電話查詢:「我個小朋友2017年出世,幾時可以讀書呀?」

老屍:「如果你希望小朋友入讀預備班,可以係2018年9月10月開始到心儀學校申請2019至2020年度預備班,如果你希望小朋友入讀幼兒班K1,可以係2019年9月10月申請2020至2021年度幼兒班。」

有家長查詢入學,有家長已經始預備面試。

早前曾提及「用杯飲水」和「飲水水」的分別,在1000位幼兒中挑選100位幼兒的情況下,受歡迎的幼稚園的確可以精選學生,入讀預備班的幼兒根本已完全掌握預備班的學術知識,例如1-10、A-Z和紅橙黃綠藍紫黑白,因此面試內容是什麼,根本不用「貼」了罷,要孩子脫穎而出,於我而言,其實是回歸最基本的笑容、禮貌及成人互動,「正所謂個個都識ABC,點解我要收你個仔先?」

然而,在不太受家長歡迎的學校工作,情況就會變成:「間間學校都唔使錢,點解我要讀你間學校呀?」面對這樣的情況,入學面試的局面徹底扭轉,基本上我是運用面試的短短十分鐘向家長介紹我校的好處和特色,小朋友基本上有齊手手腳腳眼耳口鼻都能順利過關,那管他嚎啕大哭大發雷霆,打父母掉玩具或者攻擊我。

雖然,在不同學校當考官有不同的權責,但我的主要工作是維持笑容的機械人,不停重複問以下問題及句子:「早晨呀小朋友,你叫咩名呀?」、「呢個咩黎架?」「邊個帶你黎玩架?」、「唔緊要小朋友怕羞好正常。」、「唔緊要,小朋友呢D時間係眼訓D架喇。」、「唔緊要,自己執返D玩具啦!」、「係喎!好乖喎!」等等等等沒有靈魂卻又親切溫柔,面試日的專業,大概如此。

在沉悶的面試過程中,在香港出生的女老屍我會另覓樂趣,例如在等候小朋友說出名字時,我會欣賞媽媽的手袋、手錶和手飾,根據多年觀察,闊太媽媽和女強人媽媽所用的手袋牌子各有傾向;例如在欣賞小朋友哭鬧時,我會觀察爸爸穿波鞋還是皮鞋,最近比較常見的是人字拖;家長在門外與小孩等候時,是按手機還是耐心的與子女溝通;小孩亂衝亂撞時,家長是怎樣照顧子女,假如在面試過程都不顯示尊重,以後三四年妄想你會欣賞我。

相信我,工作十年,沒有見過老師主任校長喜歡潑婦?,我們都相信無賴較難教出好孩子。


 

幼稚園老屍-Profile

 

撰文:陳老師
面書「幼稚園老屍手記」版主。未婚,任職幼稚園老師十年:由名校到今日教屋村幼稚園,見盡不同家庭背景的豆丁成長

 

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest