一直留意Akane的facebook,覺得佢為囡囡(皇帝囡)整的便當盒子非常精美,有心機到令人「嘩」一聲!Akane是全職媽媽,當然你可以話「唔洗做喎,梗係有時間啦!」你咁諗,證明你還年輕,全職媽媽24/7全天候standby,係非常非常辛苦的。

87203
皇帝囡係Doraemon fans,所以我成日都會整,呢個係我好得意之作。

 

「光合作用」皇帝囡

言歸正傳,到底有咩原因令Akane會每日為皇帝囡日日整可愛便當仲要送埋飯呢?其實學校一樣可以訂飯或者普通一個飯盒都可以,Akane話:「皇帝囡一直超級偏食,我可以用光合作用嚟形容佢,未食過嘅唔肯試,鐘意嘅野會食小小就話飽。我擔心學校嘅飯佢未必肯食,我又唔知佢會食剩幾多,所以就諗住整便當比佢。」如是者,Akane每星期一至五都整便當,早上11點開始整,製作過程約30至45分鐘,視乎公仔嘅難度,然後再送到學校給皇帝囡午飯時享用。經過兩年的訓練,皇帝囡的偏食情況有冇改善?Akane話:「基本上都清個便當,因為老師唔畀小朋友倒咗啲食物,食唔晒都要帶返屋企比家長睇。」

87202

皇帝囡女花名係monkey Tobey,所以特別整比佢。

多菜少肉健康啲

我對可愛便當一向有三個疑問,今日特別請教Akane。
問:因為造型關係便當經常會用到紫菜,小朋友經常食紫菜對身體有冇問題?
Akane:我平時用嘅紫菜並唔係大家食零食好鹹嗰種,而係包飯糰大張嘅,而平時都係用喺公仔嘅眼耳口鼻,實則唔算用太多!

問:整便當「最最最」困難嘅地方係咩?
Akane:整便當最難係舊公仔飯,要整得似,個比例要攞得好準,否則就會變咗山寨版。而眼耳口鼻用的紫菜太細微,的確會剪到手都震埋,而且要留意餸唔可以有多汁(咖喱除外),否則小朋友食嗰陣就會變咗樣!

87205

問:公仔便當的營養夠唔夠?中國人講熱食,但公仔便當應該係凍食?
Akane:營養方面我冇特別計算過,但主要多菜少肉,而且我一定會放一份生果;至於凍食問題,我算係即整即送飯,室溫食用啦。

親子入廚添責任感

問:媽媽有心機入廚,皇帝囡又鍾唔鍾意呢?
Akane:其實阿囡讀幼稚園嗰陣,我已經同佢一齊整嘢食,我希望畀啲責任感佢,又可以令佢知道整嘢食要用心,體驗媽媽平時同辛苦,最最最緊要係唔想佢做港童,如果煮個麵都唔識就慘了!

公仔便當外交

一份可愛嘅便當,為皇帝囡同Akane帶嚟唔少友情。皇帝囡的便當特別可愛,同學仔周時會期待佢打開個便當;Akane與老師及小朋友家長亦以便當打開話題。為咗讓囡囡學識happy sharing,Akane會在囡囡學校旅行或者party時,製作不同公仔食物,讓囡囡分享給同學仔。Akane話:「小朋友返學已經好辛苦,可愛食物令佢哋開心就得啦!」

87204

87206

其實我咃一家都好鐘意貓,可惜阿囡有貓毛敏感,唔能夠養貓仔,所以我會整下貓仔便當,等佢開心吓。

以後每星期Akane@Akane’s Kitchen會為Easy Pama嘅讀者分享親子食譜,大家記得留意啦!

87201

 

可愛便當改善囡囡偏食習慣
想隨時獲得更多親子資訊,就快啲like我哋Facebook啦!⁠⁠⁠⁠

Post navigation